وەزارەتی تەندروستیی هەرێم، رایگەیاند، حاڵەتێکی تووشبون بە تای خوێنبەربون لە دهۆک تۆمارکرا.

هەواڵ؛ KNNC

وەزارەتی تەندروستیی هەرێم رایگەیاند، تووشبوویەکی دیکەی نەخۆشیی تای خوێنبەربون لە هەرێمی کوردستان تۆمارکرا، ئەویش پیاوێکی دانیشتووی سێمێڵە، تەمەنی 43 ساڵە پیشەی قەسابە، بەرکەوتەی ئاژەڵی بوە، دوای سەردانی نەخۆشخانە و گومانلێکردن بە نەخۆشییەکە و بوونی نیشانەکانی، چەندین رێکاری چارەسەری پزیشکی بۆ گیراوەتەبەر.

دەشڵێت، ئێستا لەژێر چاودێریی پزیشکیدایە و چارەسەر وەردەگرێت باری تەندروستیی جێگیرە.

وەزارەتی تەندروستی ،داواش لە هاوڵاتییان دەکەن لەکاتی بوونی گومان و نیشانەکانی نەخۆشی لەسەر ئاژەڵ پێویستە تیمەکانی ڤێتێرنەری ئاگاداربکەنەوە.