داواکاری گشتی تورکیا ئاشکرای کرد خاوەنی کۆمپانیایەکی گەورەی بواری پیشەسازی بەرگری دەستگیرکراوە کە تۆمەتبارە بە سیخوڕیکردن

هەواڵ: KNN

ئەمرؤ پێنجشەممە نویسنگەی داواکاری گشتی تورکیا ڕایگەیاند: خاوەنی کۆمپانیای ئاسانی تورکی بۆ پیشەسازیی بەرگریی دەستگیرکراوە بە تۆمەتی سیخوڕی و لایەنداری گروپی فەتحوڵا گولەن.

لەماوەکانی رابردو کاری کۆمپانیاکە فراوان بوە و دەستیکردوە بە دروستکردنی گولەی تۆپ و پارچەی فڕۆکەی بێفڕۆکەوان.

کۆمپانیاکە لە ساڵی 1989 دامەزراوە و لە بواری پیشەسازیی بەرگریی و خزمەتگوزاری لۆجستی و وزەدا کار دەکات.

گروپی فەتحولا گوللەن لە ساڵی 2016 تۆمەتبارکرا بە ئەنجامدانی هەوڵی کودەتا لە تورکیا ، فەتحوڵڵا گولەن، رێبەری بزووتنەوەی (گولەن) بوو کە تورکیا بە پلانی هەوڵی کودەتاکەی 2016 تۆمەتباری کردبو هەر لە ئەمریکا مایەوە تا  لە تەمەنی 83 ساڵیدا  هەر لە ئەمریکا کۆچی دواییکرد.