بەرەبەیانی ئەمرۆ  لە گوندی باستکێی سەر بە ناحیەی باتێلی لە سونری زاخۆ، ئۆتۆمبێلێک کە بە سیستەمی غاز کاری کردوە، تەقیوەتەوە و بەهۆیەوە دوو  هاوڵاتی گیانیان لەدەستداوە.

هەواڵ:KNNC

ئەمرۆ پێنجشەممە، بەرگری شارستانی زاخۆ بە کەی ئێن ئێنی ڕاگەیاند لە روداوێکی تەقینەوەی ئۆتۆمبێلدا لە سنوری زاخۆ، دوو هاوڵاتی گیانیان لەدەستداوە، کە برای یەکترن و یەکیان 13 ساڵە و ئەویدیکەش 19 ساڵە کەسێکی دیکەش بریندار بوە.

بە گوێرەی زانیاریەکانی پەیامنێری کەی ئێن ئێن لە دهۆک، ڕوداوەک بەرەبەیان بوە و ئەو دوبارەی ویستویانە بچنە سەر کار، لە کاتی ئیشپێکردنی ئۆتۆمبێلەکەیان کە بە سیستەمی غاز کاری کردوە تەقیوەتەوەو  دەستبەجێ هەردوکاین گیانیان لەدەستداوە.

پەیامنێری کەی ئێن ئێن ڕاشیگەیاند، ئۆتۆمبێلەکە لە جۆری تایبەت بوە و هێزە ئەمنییەکان، گەشتونەتە شوێنی روداوەکە و پەڕاوی لێکۆڵینەوەیان بۆ کردوەتەوە.

مەسعود هادی -دهۆک