ئیمانیۆل ماکرۆنی سەرۆکی فەرەنسا و سەرۆک وەزیرانی عێراق تاوتوێی دۆخی عێراق و ناوچەکەیان کرد و سودانی هۆشداری داوە لە مەترسیەکانی دروستبونی شەڕێکی گەورە

هەواڵ: KNN


لە میانی پەیوەندیەکی تەلەفۆنی ئیمانیۆل ماکرۆن سەرۆکی فەڕەنسا  لەگەڵ محەمەد شیاع سودانی سەرۆکوەزیرانی عێراق، تاوتوێی پرسە هەرێمیەکانیان کرد و سودانی هۆشداری دا لە مەترسیەکانی شەڕێکی نوێ لەسەر ئاسایش و سەقامگیری ناوچەکە و جەختیشی لەسەر ئامادەیی خۆی بۆ کارکردن لەگەڵ فەرەنسا و هاوبەشەکانی دیکە وەک ئێران و ئەمریکا کردوە بۆ ئەوەی عێراق نەکەوێتە ناو ڕوبەڕوبونەوەیەکی نوێوە.

هاوکات  ماکرۆنیش ستایشی ئاسایش و سەقامگیری عێراق  و هەوڵەکانی حکومەت بۆ پاراستنی سەقامگیری وڵات دەکاتەوە و دەڵێت،شانازی فەڕەنسایە بۆ قوڵی پەیوەندی ستراتیژیی نێوان هەردو وڵات و خواستی وڵاتەکەی بۆ بەردەوامی پشتیوانی لە عێراق دوپاتکردوە.