وەزارەتی دەرەوەی تورکیا ئەمڕۆ  شەممە ڕایگەیاند: هاکان فیدان، وەزیری دەرەوەی تورکیا لە ئەنقەرە لەگەڵ فالح فەیاز، سەرۆکی دەستەی حەشدی شەعبی عێراق  کۆبونەتەوە.

هەواڵ: KNN

  بەپێی پۆستێکی وەزارەتی دەرەوەی تورکیا لە پلاتفۆرمی سۆشیال میدیای تورکیا ئینسۆشیال، ئێوارەی ئەمرۆهاکان فیدان و فالح فەیاز کۆبونەتەوە بەبێ ئەوەی هیچ وردەکارییەک لەبارەی ناوەڕۆکی کۆبوونەوەکە بخاتەڕو.

ئەم کۆبوونەوەیە لە کاتێکدایە کە مشتومڕەکان لە عێراق سەبارەت بە یاسای     حەشد پەرەی سەندوەو وا بڵاو کراوەتەوە  بەهۆی ناڕەزایەتییە ناوخۆیی و دەرەکییەکان بەرامبەر بە یاساکە بۆ خولی داهاتووی پەرلەمان دواخرابێت.

سەردانەکەی سەرۆکی دەستەی حەشدی شەعبی دوای ئەوەدێت هێزەکانی ئەمریکا لە عێراق دەستاین بە کشانەوە کردوەو لە ماوەکانی رابردودا زۆرترین قسەو باس لەبارەی یاسای حەشدی شەعبیەوە کراوە.

چەند رۆژێک پێش ئێستاش سەرۆکی دەستەی حەشدی شەعبی، رایگەیاند: یاسای حەشدی شەعبی لەلایەن خودی عێراقییەکانەوە نووسراوەتەوە و رەتیکردەوە هیچ لێکچوونێک لەنێوان پێکهاتەی حەشد و سوپای پاسدارانی ئێراندا هەبێت. دەشڵێت، هێشتا مەترسییەکان ماون، بۆیە پێویستییان بە حەشد هەیە.

 لەگەڵ ئەوانەیشدا ئەمریکا بە ڕاشکاوی دژی تێپەڕینی ئەو یاسایە پەیامی داوە بە عێراقیەکان، رۆژنامەی شەرقلئەسەتیش لەزاری پەرلەمانتارێكی شیعە بڵاویكردوەتەوە، كەسەركردەكانی شیعە بە شێوەی كۆدەنگی لەسەر كشانەوەی پرۆژە یاسای حەشدی شەعبی رێككەوتون .