دوای 9 ساڵ مانەوەی لەدۆزەخی سوریا دواجار بۆ وڵاتەكەی گەڕایەوەو لەگەڵ خۆشیدا كوڕە تاقەنەكەی بردەوە بۆ بەرازیل كە لەباوكێكی داعشییە.

هەواڵ: KNN

كارینا ئەیالین رایۆل بارئەو كچە بەرازیلیەیە كە 9 ساڵ بەر لەئێستا لەوڵاتەكەیەوە بەفرۆكە خۆی گەیاندە توركیاو لەوێشەوە بەرەو سوریا بەڕێكەوت بۆ ئەوەی بگات بەو چەكدارە داعشەی كە بەڵێنی هاوسەرگیری پێدابوو.
ئەو كچە بەر لەوەی بچێتە ڕیزەكانی داعش خوێندكاری بەشی  رۆژنامەوانی بوە لەیەكێك لەزانكۆكانی بەرازیل و لەڕێگەی مزگەوتێكی وڵاتەكەیەوە تێكەڵ بەگروپە توندرەوەكان بوەو هەر لەو رێگەیەشەوە هەوڵیداوە خۆی فێری زمانی عەرەبی بكات.

وەك میدیاكانی بەرازیل ئاماژەیان پێكردوە لەساڵی 2014  كارینا كە لەشاری بیلێمی باكوری وڵاتەكەی ژیاوە بوەتە مسوڵمان و پاش گەیشتنیشی بەسوریا لەشاری ڕەقە جێگیر بووە.

كەیسی ئەم كچە بەرازیلییە مشتومڕێكی قوڵی لەوڵاتەكەی دروستكردوە بەتایبەتیش پاش گەڕانەوەی خۆی و كوڕە تەمەن حەوت ساڵانەكەی و پرسیاری ئەوە دەكرێت كە چۆن ئەم كچە كە لەخێزانێكی كاسۆلیكییە بوەتە مسوڵمان و تێگەڵ بەگروپە توندرەوەكان بووە " هەربۆیە لەئێستا خۆی و منداڵەكەی لەژێر چاودێری دەزگا ئەمنیەكانی وڵاتەكەیاندان.

رێكخراوی تیرۆریستیی داعش كە لەماوەی نێوان 2014 بۆ2017 لەترۆپكی هێزدا بوون لەعیراق و سوریا ،توانیان بەهەزاران بیانی بۆ خۆیان رابكێشن لەنێوشیاندا ژنان و كچانی بیانی بەڵام دواجار چەكدارانی داعش لەعیراق و سوریا تێكشكێنران و بەهەزارانیان لێ بەدیل گیرا لەنێویشیاندا ئەو ژنە بەرازیلییە.