شارەزایەكی كاروباری توركیا لەدیدارێكیدا لەگەڵ كەناڵی 24ی
ئیسرائیلی رایگەیاند: وڵاتەكەی پەیوەندییەكی تایبەتی لەگەڵ گەلی كورددا هەیە.
هەواڵ: KNN
دكتۆر حای ئیتان كۆهێن مامۆستای زانكۆی تەلئەڤیڤ و شارەزای كاروباری توركیا لەدیدارەكەیدا رایگەیاند: ئیسرائیل ناخوازێت كە
ناوەڕاست و باشووری سوریا ببێتە پێگەو جێ هەژموونی توركیا هەرچەندە لەباكوری ئەو
وڵاتەدا هەژمونی هەیە.
بەوتەی كۆهێن ڕوبەڕوبونەوەی نێوان ئیسرائیل و توركیا كارێكی باش نییە و بۆ
رێگرتنیش لەو ڕوبەڕوبونەوەیە پێویستە ئەو وڵاتە بەسەر هەژموونی هەردو وڵاتدا دابەش
بكرێت و توركیا لەباكوری ئەو وڵاتە هەژمونی خۆی بهێڵێتەوەو رێگەی پێنادرێت پەل بۆ
ناوچەكانی تری سوریا بكێشێت.
وتیشی ئیسرائیل
لەدوای حەوتی ئۆكتۆبەرەوە مەرجەكانی خۆی دەسەپێنێت و رێگەش نادات مەرجی بەسەردا بسەپێنرێت
و وتیشی لەپێناو پاراستنی ئیسرائیلدا پێگەكانی خۆی لەلوبنان و سوریا دەهێڵێتەوە.
سەبارەت بەگەلی
كوردیش كۆهێن جەختیكردەوە؛كە گەلی كورد بەلای ئیسرائیلەوە جێی
بایەخەو پەیوەندیەكی تایبەتیش لەگەڵ كوردی هەرێمی كوردستان كۆیان دەكاتەوە.
247 جار خوێندراوەتەوە