پارێزگاری بانکی ناوەندی رایگەیاند، پارەدانی ئەلیکترۆنی شایەتی گەشەسەندنی بەرچاوە و دەروازەیەکە بۆ گۆڕانکاری دیجیتاڵی بەرەو ئابورییەکی دیجیتاڵی .

هەواڵ؛ KNNC

عەلی عەلاق پارێزگاری بانکی ناوەندی رایگەیاند، پارەدانی ئەلیکترۆنی پەیوەندی بە پێکهاتەی ئابوری و کارلێکی جیهانییەوە هەیە ، بۆ بەدەستهێنانی گذتگیری دارایی زیاتر ، هاوکات ، جەختی لەسەر پابەندبوونی هەموو دامەزراوەكانی دەوڵەت كردەوە كە پارەدانی ئەلیكترۆنی بەكاربهێنن نەك پارەی كاش.

ئاماژەی بەوەشکردوە، بانكی ناوەندی هاوشانی حكومەت، كەرتی تایبەت، كۆمپانیاكانی پارەدانی ئەلیكترۆنی، و كۆمپانیاكانی تەكنەلۆجی، هەموویان سەرقاڵی ئەم هەوڵە بەرچاو و بەردەوامەن، بەهەماهەنگی نێوان بانکی ناوەندی عێراق وحکومەتی عێراق ئاراستەیەکی ڕێکخراوەیی ویاساییمان هەیە   

دەشڵێت ، هاوكاری و هەماهەنگی لەگەڵ حكومەت هەیە لەڕێگەی ئەو بڕیارەی ئەنجومەنی وەزیرانەوە دەرچوە كە سەرجەم دامودەزگاكانی دەوڵەت پابەند دەكات بە بەكارهێنانی پارەی ئەلیكترۆنی لەبری پارەی كاش