وەزارەتی بازرگانیی عێراق بۆ نوێکردنەوەی کارتی بەشەخۆراک دو رۆژ مۆڵەت دەدات بە هاوڵاتییانی عێراق و هەرێمی کوردستان.

هەواڵ؛ KNNC

محەمەد حەنون، وتەبێژی وەزارەتی بازرگانیی عێراق بە میدیا عێراقییەکانی راگەیاند، ژمارەی ئەو هاوڵاتییانەی داتای کارتی بەشەخۆراکی ئەلیکترۆنییان نوێکردووەتەوە گەیشتووەتە 37 ملیۆن هاوڵاتی لە ناوخۆی عێراق، هاوکات 1ی ئەیلول دوا وادەیە بۆ تەواوکردنی پرۆسەی نوێکردنەوەی کارتی بەشەخۆراک

ئاماژەی بەوەکرد،هاوڵاتییان دەتوانن لەرێگەی ناوەندەکانی بەشەخۆراکەوە لە دوای ئەو وادەیەوە فۆڕمەکە پڕبکەنەوە، بەڵام بە پێدانی پارە.

دەشڵێت، رێژەی بەشداریکردن لە هەرێمی کوردستان گەیشتووەتە لە 85% ، بەمشێوەیە، لە هەولێر لە %87، سلێمانی لە %86، دهۆک لە %82، هەڵەبجە لە %89، بەمەش کۆی ئەو کەسانەی داتاکانیان لە هەرێم نوێکردوەتەوە زیاتر لە چوار ملیۆن و 601 هەزار هاوڵاتییە.  

وتیشی، لە ئەنجامی پڕکردنەوەی فۆڕمەکە دەرکەوتوە  دو ملیۆن و 750 هەزار هاوڵاتی بە هۆکاری جیاواز بەشە خۆراکەکانیان راگیراون.