عەبدوڵا ئۆجەلان لەڕێگەی شاندنی ئیمرالییەوە پەیامێكی بڵاوكردەوەو تیایدا جەختیكردوەتەوە ،كە کۆماری دیموکراتی و کۆمەڵگەی دیموکراسی بەلاوە پەسەندە .

هەواڵ: KNN

شاندی ئیمرالی سەبارەت بە دیدارەکەی رۆژی 28ی ئابی 2025  لەگەڵ عەبدوڵا ئۆجەلان راگەیەندراوێکی بڵاوکردەوە، كەتیایدا هاتووە، ئۆجەلان جەختی لەوە کردووەتەوە، کۆمەڵگەیەکی دیموکراسی، ئاشتی و تەواوكاری، سێ چەمکی سەرەکی پرۆسەكەن و  رونیشی کردەوە، ئەو کێشانەی کە روبەرویان دەبێتەوە، پێویستی بە دەستوەردانی جددی و هەستیار هەیە بۆ کۆتایهێنانی بە تەواوەتی، هەر بەو هەستیارییەشەوە پڕۆسەکەیان گەیاندووەتە ئەو قۆناغەی ئێستا.

 ئاماژەی بەوەشکردووە، ئامانجیان ئەوەیە هەموو هەوڵێک بخەنەگەڕ بۆ کۆتاییهێنان بەم پرۆسە بە ئازارە.

ئۆجەلان جەختی لەوە شکردەوە، هەمیشە تەواوكاری لەسەر بنەمای کۆماری دیموکراتی و کۆمەڵگەی دیموکراسی بەلاوە پەسەندەو تێگەیشتن و لە ئامێزگرتنی ئەوهەنگاوە ستراتیژییە سودی بۆ هەموومان دەبێت و لەهەمان كاتیشدا باوەڕی گەورەی خۆی دەربڕیوە بە دۆستایەتی و ئاشتی هەمیشەیی لە نێوان گەلاندا.