ئەمرؤ شەممە، 2ـی ئابی 2025، بزووتنه‌وه‌ی حه‌ماسی فه‌ڵه‌ستینی  وه‌ڵامی ستیڤ ویتكۆف، نێرده‌ی سه‌رۆكی ئه‌مه‌ریكا بۆ ڕۆژهه‌ڵاتی ناوه‌ڕاست دایەوە کە ناوبراو بڵاویکردبوە، بزووتنه‌وه‌ی حەماس ئاماده‌یه‌ چه‌ك دابنێت

هەواڵ: KNN

بزووتنه‌وه‌ی حه‌ماسی فه‌ڵه‌ستینی ڕاگەیاندراوێکی لەسەر وتەکانی نێردەی ئەمریکا بڵاوکردەوەو  جه‌ختی كردوه‌، به‌رگری و چه‌ك، دوو ده‌ستكه‌وت و به‌های نیشتمانی و یاسایین بۆ ڕووبه‌ڕووبوونه‌وه‌ی داگیركاریی، بۆیه‌ ئاماده‌ نین ده‌ستبه‌رداری ئه‌و مافه‌ نیشتمانی و یاسایییه‌ ببن.

لە ڕاگەیاندراوەکەی حەماسدا هاتوە دەڵێن: هه‌رگیز چه‌ك دانانێین تا ئه‌و كاته‌ی ده‌وڵه‌تی سه‌ربه‌خۆی فه‌ڵه‌ستین دانه‌مه‌زرێت و قودس پایته‌خته‌كه‌ی نه‌بێت. 

ئەم ڕاگەیەندراوەی حەماس وەلامێک بو بۆ وتەکانی ئەمرؤی نێردەی ئەمریکا کە  رایگەیاند'' بزوتنەوەی حەماس ڕەزامەندی دەڕبڕیوە بە دانانی چەک و کۆتایی هێنان بە شەڕ  

ستیڤ ویتکۆف، نێردەی ئەمریکا بۆ کاروباری رۆژهەڵاتی ناوەڕاست، لە دواین لێدوانیدا، باسی لەوەکرد، پلانەکەیان کۆتاییهێنانە بە شەڕ و دەبێت پرۆسەی دانوستانەکان بگۆڕدرێت بۆ پرەنسیپێکی جیاواز.

وتیشی'' ئامانجمان ئەوەیە بە یەک گرێبەست بارمتەکان وەربگرینەوە و کۆتایی بە شەڕەکە بهێنن، نەک ئەنجامدانی ڕێککەوتنی لاوەکی.''

نێردەی ئەمریکا، باسی لەوەشکرد کۆبونەوەکانیان لەگەڵ بنیامین نەتەنیاهۆ بە باشی تێپەڕێوە هەردولا ئامنجیان ئەوەیە شەڕ کۆتایی بێت و سەبارەت بە حەماسیش ئەوان حەماس ڕەزامەندی دەڕبڕیوە بە دانانی چەک و کۆتایی هێنان بە شەڕی غەززە.