لە وڵاتی بەنگلادیش، فڕۆکەیەکی سەربازی کە لە کاتی ڕاهێناندا بوە، دەکەوێتە خوارەوە و  بەرزانکۆیەک دەکەوێت، بە گێرەی زانیارییە سەرەتاییەکان 16 خوێندکار و دوو مامۆستا گیانیان لەدەستداوە و نزیکەی 100 کەسی دیکەش بریندار بون.

هەواڵ: KNNC


ئەمڕۆ دووشەممە، لە وڵاتی بەنگلادیش لە روداویكی کەوتنبە خوارەوەی فڕۆکەدا، لە پایتەختی ئەو وڵاتە، زیاتر لە 100 کەس بون بە قوربانی.

بەرپرسانی بەنگلادیش ڕایانگەیاند: جگەلەوانەی گیانیان لەدەستداوە، 100 خوێندکاریش بریندارن بون و لە نەخۆشخانەکان چارەسەرییان بۆ دەکرێت.

بەپێی زانیارییەکان، فڕۆکەیەکی جۆری (F7BJI) سەربازییە و لە کاتی ڕاهێناندا بوە، بەگویریە ئەو دیمەنانەی بڵاوکراوەتەوە، بەهۆی ڕوداوەکەوە ئاگڕیکی گەورە کەوتوەتەوە و بەرپرسانی شارەکە و بەرگری سارساتانی وڵاتەکە لە هەوڵی کۆنتڕۆڵکردنی ئاگرەکەدان و بەهانای قوربانییەکانەوە دەچن.

لای خۆشیەوە سەرۆکی حکومەتی ڕاگوزەری بەنگلادیش محەممەد یونس، لە (ئێکس) هاوخەمی خۆی بەهۆی ڕوداوەکە دەربڕیوە و نوسیویەتی؛ ناتوانرێت قەرەبوی ئەو زیانە بکەینەوە کە بەر هێزی ئاسمانی و قوتابیان و مامۆستایان و فەرمانبەرانی مایڵستون سکوڵ ئاند کۆلیج کەوتوە، ئاماژەی بەوەداوە  ڕوداوەکە زۆر بە ئازارە بۆ گەلەکەمان.