وەزارەتی دەرەوەی ئەمریکا، رایگەیاندوە لە چوارچێوەی گۆڕانکارییەکانی دۆناڵد ترەمپدا، نزیکەی  15%ی کارمەندەکانی لە کارەکانیان دوردەخاتەوە و ئەم هەنگاوەش بەشێکە لە بەرچاوترین داڕشتنەوەی نوێنەرایەتی دیپلۆماسی وڵاتەکە لە دەیەکانی ڕابردودا.


هەواڵ:KNNC

وەزارەتی دەرەوەی ئەمریکا ڕایگەیاند، نزیکەی 15%ی کارمەندەکانی لە کارەکانیان دوردەخاتەوە کە ژمارەیان زیاتر لە 1500 کارمەندە، ئەمەش لە چوارچێوەی گۆڕانکارییە بەرفراوانەکانی دۆناڵد ترەمپ لە هەیکەلەی دیپلۆماسی وڵاتەکەدا.


بەگوێرەی زانیارییەکان ، ئەم هەنگاوە بەشێکە لە بەرچاوترین داڕشتنەوەی نوێنەرایەتی دیپلۆماسی وڵاتەکە لە دەیەکانی ڕابردودا و بەرپرسانی وەزارەتی دەرەوەی ئەمەریکاش دەڵێن؛ ئەم دەستکاریکردنانە ئەرکەکەیان لەگەڵ دیدگای دۆناڵد ترەمپ بۆ "ئەمریکا یەکەم" دەگونجێنێت.


ئەم بڕیارەی ترەمپ داویەتی کە  "کەمکردنەوەی هێز"ـە،  لەگەڵ دەرکردنی خۆبەخشانە، کاریگەری لەسەر نزیکەی 15%ی کارمەندانی ناوخۆیی وەزارەتی دەرەوەی ئەمەریکا دەبێت.

بەرپرسێکی باڵای وەزارەتەکەش ڕایگەیاندوە، ژمارەکە نزیکە لە 1800 فەرمانبەر، هەروەها ڕێکخستنەوەکەش دەبێتە هۆی چەسپاندن یان نەهێشتنی تەواوەتی چەندین فەرمانگە لە وەزارەتی دەرەوەی ئەمەریکادا.