لەگەڵ ئەوەى هێرشەکانى ئیسرائیل و ئێران نرخى نەوتى بۆبەرزترین ئاستى دوو مانگى رابردو بەرزکردەوە، لەئێستادا نرخى جۆرەکانی نەوت لە بازاڕەکانى جیهان گۆڕانکارییان بەسەرداهاتوە و بەراورد بە رۆژی پێشتر نرخەکەیان دابەزینێکی کەمی تۆمارکردوە.

ئابوری:KNNC

ئەمڕۆ شەممە، نرخى بەرمیلێک نەوتى خاوى برێنت بە 74 دۆلار و 23  سەنت، لەبازاڕەكانی جیهاندا مامەڵەی پێوەدەکرێت و بەراورد بە رۆژی رابردو نرخەکەی 41 سەنت دابەزیوە.

جگە لە نەوتى برێنت، نرخی یەک بەرمیل نەوتی تەکساسى ئەمەریکیش بە 72 دۆلار 98 سەنت لە بازاڕەکانی جیهاندا مامەڵەی پێوەدەکرێت و بەراورد بە رۆژی رابردو نرخەکەی 61 سەنت دابەزیوە.