بۆ ئەنجامدانی فەریزەی حەج یەك ملیۆن و (873) هەزار و (230) زیارەتكار سەردانی سعودییەیان كردوە


هەواڵ: (KNNC)


دەستەی حەج و عومرەی سعودییە ئاشكرایكرد؛ ژمارەی ئەو زیارەتكارانەی سەردانی وڵاتەكەیان بۆ بەجێهێنانی فەریزەی حەج كردوە لە یەك ملیۆن و (873) هەزار و (230) پێكهاتون، كە یەك ملیۆن و (506) هەزار و (576) كەسیان لە دەرەوە و لەرێگە جیاوازەكانەوە بەرەو مەككە بەڕێكەوتون.


رونیكردوەتەوە، ژمارەی ئەو خانمانەی بۆ بەجێهێنانی فەریزەی حەج سەردانی سعودییەیان كردوە لە (877) هەزار و (841) زیارەتكار پێكهاتون، لەكاتێكدا ژمارەی پیاوان لە (795) هەزار و (389) زیارەتكار پێكهاتون.


دەستەی حەج و عومرەی سعودییە ئەوەشیخستوەتەڕو، ژمارەی زیارەتكارانی گەشتە ئاسمانییەكان لە یەك ملیۆن و (435) هەزار و (17) كەس پێكهاتون، هەروەها (66) هەزار و (465) زیارەتكار لەرێگەی وشكانی و پێنج هەزار و (94) زیارەتكاری دیكە لەڕیگەی دەریاكانەوە سەردانی ئەو وڵاتەیان كردوە.