نوسینگەی نەتانیاهۆ بڵاویکردەوە، وەڵامی حەمماس بۆ ئازادکردنی بارمتەکان قبوڵنەکراوە، جەختیشدەکاتەوە، ئیسرائیل بەردەوام دەبێت لە هەوڵەکانی بۆ گەڕاندنەوەی بارمتەکان بۆ وڵات و بەزاندنی حەمماس.

هەواڵ:KNNC

لە دوای پێشنیازەکەی بزوتنەوەی حەمماس بۆ ئازاد کردنی بارمتەکان نووسینگەی نەتانیاهۆ لە راگەیێندراوێکدا بڵاویکردەوە: لە کاتێکدا ئیسرائیل رەزامەندی لەسەر چوارچێوە نوێکراوەکەی ویتکۆف دەربڕیوە بۆ ئازادکردنی بارمتەکانمان، بەڵام هێشتا بزوتنەوەی حەمماس پابەند نییە.

 ئاماژەی بەوەشکرد: وەڵامی حەمماس بۆ ئازادکردنی بارمتەکان قبوڵنەکراوە، پرۆسەکە دوا دەخات و ئیسرائیل بەردەوام دەبێت لە هەوڵەکانی بۆ گەڕاندنەوەی بارمتەکان بۆ وڵات و بەزاندنی حەمماس.

ئەمە لە کاتێکدایە بزوتنەوەی حەمماس وەڵامی خۆی لەبارەی پێشنیازەکەی ستیڤ ویتکۆف داوەتەوە، کە تایبه‌ته‌ به‌ ئاگربه‌ستی هه‌میشه‌یی له‌ غه‌ززه‌، لەگەڵ كشانه‌وه‌ی سوپای ئیسرائیل له‌ كه‌رته‌كه‌ و گه‌ره‌نتیی گه‌یشتنی هاوكارییه‌ مرۆییه‌كان و ئازادكردنی 10 دیلی ئیسرائیلی و راده‌ستكردنه‌وه‌ی 18 ته‌رم، به‌رامبه‌ر ئازادكردنی ژماره‌یه‌ك لە زیندانییه‌ فه‌ڵه‌ستینییه‌كان.