نرخی زێڕ دابەزینی تۆمارکرد و ئۆنسەیەک بە 3339 دۆلار مامەڵەی پێوەدەکرێت.

ئابوری:KNNC

ئەمڕۆ دووشەممە، لەگەڵ کردنەوەی بازاڕەکانی ئاسیا نرخی زێڕ بەڕێژەی 0.5% دابەزینی تۆمارکرد و ئۆنسەیەک بە 3339.13 دۆلار مامەڵەی پێوەدەکرێت.

هاوکات، بەپێی داتاکانی ئاژانسی رۆیتەرز نرخی ئایندەی زێڕی ئەمەریکا بەرێژەی 0.8% دابەزینی تۆمارکردوە و ئۆنسەیەک گەیشتوەتە 3337.40 دۆلار مامەڵەی پێوەدەکرێت.

دابەزینی نرخی زێڕ، دوای ئەوەی هات کە دۆناڵد ترەمپ-ـی سەرۆکی ئەمەریکا وادەی 9ـی تەموزی دیاریکرد بۆ ئەنجامدانی رێکەوتنی بازرگانی لەگەڵ یەکێتی ئەوروپا.

سەبارەت بە کانزاکانی دیکەش، نرخی زیو بە ڕێژەی 0.3% دابەزی و گەیشتە 33.36 دۆلار بۆ هەر ئۆنسەیەک، پلاتینیۆم بەڕێژەی 0.1% بەرزبوەوە و گەیشتە 1095 دۆلار و 90 سەنت بۆ هەر ئۆنسەیەک.