هێرشەکانی سوپای تورکیا بۆ سەر گوندەکانی دەوروبەری چیای گارا بەردەوامە بەپێی ئاماری تۆماركراوەكانیش لەدوای كۆنگرەی (12)ـی پەكەكەوە توركیا (92) جار هێرشی بۆ سەر هەرێم ئەنجامداوە.


هەواڵ: (KNNC)


لەوبارەیەوە، کامەران عوسمان، ئەندامى رێکخراوى سی پی تى ئەمەریکى بڵاویكردوەتەوە؛ لە كاتژمێر (09:10) خولی بەیانی ئەمڕۆ یەكشەممەوە تا كاتژمێر (03:00)ـی دوانیوەڕۆ تۆپخانەکانی سوپای تورکیا (35) جار چیای گارا و ناو گوندەکانی (مژێ، کەفنە مژێ، سپیندارێ و گرگاشێ)ـیان لە بەری گارێ لە سنوری قەزای ئامێدی لە پارێزگای دهۆک ، تۆپباران کردوە.


رونیكردوەتەوە: توركیا تۆپبارانی رەزوباخی هاوڵاتیان و خانوی چۆڵکراوی گوندنشینانی كردوە و  بەهۆشیەوە زیان بەر خاوەنەكانیان كەوتوە.


لە رۆژی (12ـی ئایاری 2025) كە پارتی کرێکارانی کوردستان (پەکەکە) كە ئەنجامی کۆنگرەی (12)ـهەمینی حزبەکەی تا ئێستا سوپای تورکیا (92) جار هێرش و بۆردومانی بۆ سەر هەرێمی کوردستان ئەنجامداوە.