کەشناسی هەرێم رایگەیاند، ئەمڕۆ تاوەباران و بروسکە و تۆز و خۆڵ زۆرێک لە ناوچەکان دەگرێتەوە، سبەینێش پلەکانی گەرما پێنج پلە نزم دەبێتەوە.

هەواڵ:KNNC

بەڕێوەبەرایەتی گشتی کەشناسی و بومەلەرزەزانی هەرێم پێشبینییەکانی کەشوهەوای بڵاوکردەوە و رایگەیاند، ئەمڕۆ ئاسمان لەنێوان نیمچە هەور و هەوری تەواو دەەبێت لەگەڵ کەمێک تاوەباران و بروسکە لە ناوچە شاخاوییەکان، هەروەها بەرزبونەوەی تۆز و خۆڵ لە ناوچەکانی باشوری هەرێم.

راشیگەیاند، پلەکانی گەرما دوو تــا چوار پلە و لە ناوچە شاخاوییەکان زیاتر نزم دەبێتەوە.

سەبارەت بە کەشی سبەینێ سێشەممە، کەشناسی هەرێم رایگەیاند، ئاسمان لە زۆربەی کاتەکان هەوری تەواو دەبێت، لەگەڵ بونی تاوەباران و بروسکەی پچڕ پچڕ لە ناوچە نیمچە شاخاوییەکان و لە ناوچە سنورییەکان کاریگەرییەکەی زیاتر دەبێت، هەروەها خێرایی با چالاک دەبێت و لەناوچەکانی باشوری هەرێم تۆز و خۆڵ بەرز دەبێتەوە.

هاوکات، پلەکانی گەرما، بەراورد بە ئەمڕۆ سێ تــا پێنج پلە نزم دەبنەوە.

هەولێر : 30 پلەی سیلیزی
سلێمانی : 27 پلەی سیلیزی
دهۆک : 28 پلەی سیلیزی
کەرکوک : 34 پلەی سیلیزی
زاخۆ : 28 پلەی سیلیزی
هەڵەبجە : 31 پلەی سیلیزی
سۆران : 24 پلەی سیلیزی
حاجی ئۆمەران : 16 پلەی سیلیزی
گەرمیان :34 پلەی سیلیزی