سوپای هندستان رایگەیاند، پاکستان هێرشەکانی چڕتر کردوتەوە و بەهۆیەوە پێنج کەس کوژراون.

هەوال:KNN

بەرەبەیانی ئەـرۆ سوپای هندستان بەیاننامەیەکی بڵاوکردەوە و رایگەیاند، هەوڵە ئاشکراکانی پاکستان بۆ پێشێلکردنی سەروەری وڵاتەکەمان، مەترسی خستوەتەسەر ژیانی هاوڵاتیانی مەدەنی و ئەوەش قبوڵ نەکراوە.

ئاماژەی بەوەشکردوە، لەوەڵامی هێرشە موشەکییەکانمان بۆسەر سێ بنکەی ئاسمانی پاکستان، ئەو وڵاتەدەستیکردوە بە هێرشی پێچەوانە و بەهۆیەوە پێنج هاوڵاتی مەدەنی کوژراون.

سوپای هندستان لەسەر پلاتفۆڕمی X، نوسیویەتی، "چەندین فڕۆکەی بێفڕۆکەوانی پاکستانمان دەستنیشانکرد کەبەسەر ئاسمانی وڵاتەکەمان دەفڕین و یەکەکانی بەرگری ئاسمانیمان دەستبەجێ لەناویان بردون".

لەدوای پەرەسەندنی گرژییەکانی نێوان هندستان و پاکستان، وەزارەتی فڕۆکەوانی شارسیانی هندستان داخستنی 32 فڕۆکەخانەی لەسەرتاسەری وڵاتەکەی راگەیاند.