ستیڤ ویتکۆف نوێنەری ئەمەریکا بۆ گفتوگۆکرادن لەگەڵ شاندی ئێران، ڕایگەیاند کە ڕێککەوتنی ئەتۆمی لاواز لەگەڵ ئێران قبوڵ ناکەن و تاران هیچ چارەیەکی دیکەی نییە جگە لە قبوڵکردنی مەرجەکانی واشنتۆن

هەواڵ:KNNC

ئەمڕۆ هەینی نوێنەرەکەی ئەمەریکا لەبارەی گفتوگۆکانیان لەگەڵ ئێران رایگەیاند،  ئێران هیچ چارەیەکی دیکەی نییە جگە لە قبوڵکردنی مەرجەکانی ئەمەریکا بۆ ڕێککەوتن و  وازهێنان لە بەرنامە ئەتۆمییەکانی، ئاماژەی بەوەشکردوە تاران پێێان ڕاگەیاندوە کە بۆمبی ئەتۆمی ناوێت.


وتوشیەتی؛"ئەگەر خولی چوارەمی دانوستانەکان ڕۆژی یەکشەممە لە عەممان بەرهەمدارنەبن، ئەوا بەردەوام نابن و دەبێت ڕێگایەکی دیکە بگرینە بەر".

ناوبراو باسی لەوەشکردوە، کە  ئێران لە دۆخێکی لاوازتردایە لە چاو دە ساڵ لەمەوبەر و  ناژیرانە دەبێت بۆ ئێرانییەکان کە بیانەوێت دۆناڵد ترەمپ تاقی بکەنەوە.

نوێنەرەکەی ترەمپ، ئاماژەی بەوەشکردوە لە قۆناغەکانی داهاتودا فشار دەخەنە سەر ئێرانییەکان بۆ ئەوەی واز لە پارەدان و دابینکردنی چەک بۆ گروپەکانی وەک حەماس، حزبوڵای لوبنانی  و حوسییەکان بهێنن.

ئەمە لەکاتێكدایە، بڕیار وایە رۆژی یەکشەممە، گەری چوارەمی گفتوگۆکانی نێوان تاران و واشنتۆن لە عەمان بەڕێوبچێت.