بەمەبەستی گفتوگۆكردن و تاوتوێكردنی په‌یوه‌ندیه‌كانی نێوانیان و زیاتر به‌ره‌وپێشبردنی دۆسیه‌ی ئه‌منی،  وەزیری دەرەوەی سوریا به‌سه‌ردانێكی فەرمی گه‌یشته‌ به‌غداد و لەلایەن هاوتا عێراقییەكەیەوە پێشوازیلێكرا.


هەواڵ: (KNNC)


ئەمڕۆ هەینی، بەمەبەستی گفتوگۆكردن و تاوتوێكردنی په‌یوه‌ندیه‌كانی نێوانیان ئه‌سعه‌د شه‌یبانی، وەزیری دەرەوەی سوریا به‌سه‌ردانێكی فەرمی گه‌یشته‌ به‌غدادی پایته‌خت و بڕیار وایە ‌ لەگەڵ فوئاد حسێن، وەزیری دەرەوەی عێراق و ژماره‌یه‌ك له‌ به‌رپرسانی دیكه كۆببێته‌وه‌.


رۆیتەرز بڵاویكردەوە، ئامانجی سەرەكی لە سەردانە رانەگەیەندراوەكەی وەزیری دەروەی سوریا  گفتوگۆكردنە لەسەر په‌یوه‌ندیه‌كانی نیوان دیمەشق و بەغداد هەروەها زیاتر به‌ره‌وپێشبردنی ئه‌و په‌یوه‌ندیەكانیان بەگشتی و دۆسیه‌ی ئه‌منی بەتایبەتی.


له‌دوای روخانی حكومه‌ته‌كه‌ی به‌شار ئه‌سه‌د سه‌رۆكی پێشوی سوریا، سه‌ردانه‌كه‌ی ئه‌سعه‌د شه‌یبانی یه‌كه‌م به‌رپرسی باڵای سوریایه‌ سه‌ردانی به‌غداد دەكات.