پسپۆڕانی خۆراك رێنمایمان ده‌كه‌ن كه‌ نابێت ئه‌و پەتاتانەی چەكەرەیان كردوە یان سەوزبونەتەوە‌ بخۆین، چونكه‌ زیان بە تەندروستی دەگەیەنێت.

تەندروستی: (KNNC)

بەپێی رێنماییەكانی زانستی خۆراك و ته‌ندروستی ئەو پەتاتانەی چەكەرەیان كردوە، سەوزبونەتەوە،  نەرم بون و یان لەزەویدا زۆر ماوەنه‌تەوە، شیاوی خواردن و رواندنەوە نین هه‌روه‌ها به‌هۆی زیان گه‌یاندن به‌ ته‌ندروستی نابێت له‌ ئاماده‌كردنی خواردنیشدا به‌كاربهێنرێن.


رونیانكردوه‌ته‌وه‌ كه؛‌ یه‌كێك له‌ هۆكاره‌كانی خراپبون یان سه‌وزبونه‌وه‌ی په‌تاته‌ ده‌گه‌ڕێته‌وه‌ بۆ شێوازی و ماوه‌ی هەڵگرتن، كە بەهۆی بەكارهێنانی مادە قڕكەرەكانەوە مادەی سۆلانین و ئەلفا كانونین دروست دەكات و زیا به‌ ته‌ندروستی ده‌گه‌یه‌نێت.


ئه‌وه‌یانخستوه‌ته‌ڕو، بەهۆی رودانی كارلێكی كیمیاییەوە په‌تاته‌كه‌ چەكەرە دروست دەكات، رەنگی دەگۆڕێت بۆ سەوز و هه‌روه‌ها پەتاتەكە نەرم دەبێت، دەبێتە هۆی گۆڕینی كاربۆهیدات بۆ شەكرەكان و  بەئاسانی هەرس نابێت، له‌گه‌ڵ تێكدانی كرداری هەرسكردن دەبێتە هۆی ژەهراوی بونی لەش.


پسپۆڕانی خۆراك ئاماژه‌ بۆ ئه‌وه‌ده‌كه‌ن، نابێت پەتاتە لە شەش مانگ زیاتر هەڵبگیرێت، چونكه‌ پله‌كانی گه‌رما و هه‌بونی شێ‌ زیانی پێدەگەیەنێت له‌ئه‌نجامیشدا ماددەی دایۆكسین و سلیكات دروست ده‌كات كە ماددەكه‌ مه‌ترسی بۆ تەندروستی مرۆڤ هەیە، بۆیه‌ پێویستە ئەگەر پەتاتە چەكەرەی كرد یان سەوز بو بەهیچ جۆرێك نەخورێت.