پەیامنێری (كەی ئێن ئێن) رایدەگەیەنێت: دواى کشانەوەى هێزەکانى سوپاى سوریا لەحەڵەب هێزەکانى سوریاى دیموکراتى و یەپەگە فڕۆکەخانە و چەند ناوچەیەکى ئەو شارە کۆنتڕۆڵ دەکەن.

هەواڵ: (KNNC)


پەیامنێری (کەی ئێن ئێن) لەڕۆژئاواى کوردستان رایگەیاند: دوای پێشڕەویی چەکدارانی دەستەى تەحریر شام و گروپە چەکدارە سورییەکانی هاوپەیمانی تورکیا بۆ سەر شاری حەڵەب و کشانەوەی سوپای سوریا، یەکینەکانی پاراستنی گەل (یەپەگە) توانیویانە کۆنترۆڵی هەریەك لە گەڕەکەکانی، شێخ نەجار، سوریان، شێخ حەدید، تەل ئەران، تەل حاسل، دێر حافز و فڕۆکەخانەی حەڵەب و ناوچەی پیشەسازی شاری حەڵەب بکەن.


بەپێى زانیارییەکانى پەیامنێرى (کەى ئێن ئێن) هێزەکانی جەیش ئەلسواری سەر بە هەسەدە ڕێگای نێوان منبج - حەڵەبیان کۆنتڕۆڵ کردوە.


لەلایەکى دیکەوە ڕوانگەی سوریی بۆ مافەکانی مرۆڤ بڵاوی کردەوە: یەکینەکانی پاراستنی گەل توانیوانە ناوچەکان نوبل و زەهرا و هلوک لە باکوری ڕۆژئاوای حەڵەب کۆنتڕۆڵ بکات.