باڵیۆزی ئەمەریکا لە عێراق رایدەگەیەنێت: لەگەڵ عێراق رێککەوتون كە لە ساڵی (2025) سەربازەكانیان بكشێننەوە و بۆ کەمکردنەوەی گرژییەكانی ناوچەکە لەگەڵ عێراق، ئەمەریکا رێكاری نوێ دەگرێتە بەر.

هەواڵ: (KNNC)

ئەلینا رۆمانۆوسکی، باڵیۆزی ئەمەریکا لە عێراق رایگەیاند: لەگەڵ حكومەتی عێراق رێککەوتون كە ساڵی داهاتو سەبازە ئەمریكییەكان بكشێننەەوە، گۆڕینی ئەرکی هاوپەیمانان زەمینەی قوڵکردنەوەی پەیوەندییەکان لەگەڵ عێراق دەڕەخسێت و لە دوای شکستی رێكخراوی داعش ئەرکی هاوپەیمانان لە عێراق  هێشتا بەردەوام دەبێت.

وتیشی: بەم نزیكانە ئەركەكەم لە عێراق كۆتایی دێت و عێراقییەكان بەجێدەهێڵم، ئەوەی جێگەی خۆشحاڵیم بوە كە لەم وڵاتە خزمەتم كردوە.

لەسەر كێشە داراییەكان بەگشتی و بەفایلی دارایی بەتایبەتی باڵیۆزی ئەمەریکا ئاماژەی بۆ ئەوەكرد، لە پێناو چاکسازیی ئابوری و دارایی و باشترکردنی کەرتی بانکی، بانكەكانی عێراق پێشکەوتنیان بەخۆوە بینیوە و جێگەی متمانەن.

ئەلینا رۆمانۆوسکی، باڵیۆزی ئەمەریکا، بۆ كەمكردنەوەی گرژی عێراق لەگەڵ ناوچەكەدا، ئیدارەی جۆ بایدن، رێكاری گرنگی گرتوەتەبەر هەروەها پەیوەندییەکانی نێوان ئەمەریکا و عێراق گەشەی كردوە كە ئێستا رێککەوتنەكانی نێوانیان ستراتیژی گشتگیرە و نەك تەنها رێككەوتنی ئەمنی.