بەپێی پێشبینییەکانى کەشناسى لەمشەوەوە نمە باران دەستپێدەکات و سبەینێش بەردەوام دەبێت لەگەڵ چالاکبونى با لە هەندێک ناوچەى جیاواز.

هەواڵ:KNNC

بەشى پێشبینییەکانى کەشوهەواى وەزارەتى گواستنەوە و گەیاندن پێشبینى دەکات ئەمڕۆ سێشەممە ئاسمان نیمچە هەور بێت و  لەناوچە شاخاوییەکانیش بۆ هەوری تەواو بگۆڕێت، هەروەها لەکاتەکانی شەودا لەناوچەکانى رۆژهەڵاتى هەرێم نمە باران دەبێت کە بەتایبەتى لە سنورى ئیدارەى راپەرین هەندێک کات دەگۆرێت بۆ تاوە باران و بروسکە بە شێوەی پچرپچر .


لەبارەى سبەینێ چوارشەممەوە پێشبینى کراوە ئاسمان نیمچە هەور بێت و لە هەندێک ناوچەى شاخاوى ئەگەرى نمە باران هەیە ، هەروەک لە هەندێ کات لەناوچەکانی باشوری رۆژهەڵاتی هەرێم بەتایبەتى پارێزگاى سلێمانى و  هەڵەبجە و (ناوچەکانی گەرمیان ) ئەگەری چالاک بونی با هەیە بۆ 30 کم/ک .


بەرزترین پلەکانی گەرمای پێشبینیکراو بە پلەی سیلیزی بۆ ئەمڕۆ سێشەممە :
هەولێر     :30  پلەى سیلیزى
سلێمانی  : 29  پلەى سیلیزى
دهۆک     :  29 پلەى سیلیزى
کەرکوک  : 33پلەى سیلیزى
هەڵەبجە   :  30 پلەى سیلیزى
زاخۆ      :  30 پلەى سیلیزى
حاجی ئۆمەران : 16 پلەى سیلیزى
سۆران    :  28  پلەى سیلیزى
گەرمیان  :    34 پلەى سیلیزى