تەنها ئەمڕۆ فرۆکە جەنگییەکانی سوپای تورکیا هەشت جار ناوچە جیاوازەکانی هەرێمی کوردستانیان بۆردومانکردوە.

هەواڵ:KNNC

کامەران عوسمان ئەندامی رێکخراوی سی پی تی بە کەی ئێن ئێنی راگەیاند، کاتژمێر (5:30) خولەکی سەرلەبەیانی ئەمڕۆ سێشەممە، فڕۆکە جەنگییەکانی سوپای تورکیا چوار جار (باسکی بێریان و گوندی گوندەژۆر)یان لە دەڤەری باڵەکایەتی لە قەزای چۆمان بۆرودمانکردوە.

وتیشی، (6:48) خولەکانی سەرلەبەیانی ئەمڕۆ، بەهەمان شێوە فڕۆکە جەنگییەکانی سوپای تورکیا چوار جار بۆرودومانی شاخی برزوت و کڵاوەیان لە گوندی گەڵاڵەی سەر بە قەزای ماوەت کردوە.

بەپێی ئامارێکی رێكخراوی تیمی كوردستانی عێراق (CPT)ـی ئەمەریكی،ماوەی چەند مانگێکە تورکیا ئۆپەراسیۆنێکی نوێی دەستپێکردوە و ژمارەیەک بنکەی سەربازیی نوێی دامەزراندووە، بە قوڵایی 15 کیلۆمەتر هاتووەتە نێو خاکی کوردستانەوە، تا ئێستاش بەهۆی ئۆپەراسیۆنەکانی ئەو وڵاتەوە 162 گوند لە هەرێمی کوردستان چوڵکراون و و زیاتر لە 602 گوندی دیکەش مەترسیی چۆڵبونیان لەسەرە.