کالسیۆم یەکێکە لە گرنگترین کانزاکانی لەش، لە منداڵاندا رۆڵێکی سەرەکی دەبینێت لە گەشەکردن و باڵا و ئاستی پاراستنی ئێسک و ددانەکان و ماسولکە، هەروەها پارێزگاری لە شێوازی ئاسایی کارکردنی دڵ و بۆرییەکانی خوێن دەکات.

 

تەندروستی:KNNC

 

د. کامەران رەسوڵ ژاژڵەیی پسپۆڕی زانستی خۆراک باس لە گرنگترین ئەو هۆکارانە دەکات کە لە منداڵاندا دەبنەهۆی کەمبونەوەی کالسیۆم و زیانەکانی بۆ تەندروستی و گەشەی منداڵ دەخاتەڕوو.

 

 نیشانه‌کانی که‌می کالسیۆم له‌ مناڵاندا:

 

 
نەرمبونەوە و باریکبونەوەی ئێسکەکانی لەش

کورتی باڵا

ئێسکە نەرمە

درەنگ هاتن و بێهێزی ددانەکان و زیادبونی کلۆری

زیادبونی ئەگەری شکاوی لەئەنجامی بەرکەوتنی زەبرێکی کەم

خواربون و چەمانەوەی ئێسکی قاچ

 

گرنگترین سەرچاوە خۆراکییەکانی کالسیۆم:

 

پەنیر، ماست، شیر و بەرهەمەکانی دیکەی

سەوزە گەڵا تۆخەکانی وەک کەلەرم، سپێناخ، برۆکلی

هەنجیر، بەتایبەت هەنجیری وشککراو

فاسۆلیا، نیسک، نۆک، ماسی

 

گوێز، تۆوی کەتان، سۆیا، شیری سۆیا

 

گرنگترین هۆکاره‌کانی که‌می کالسیۆم له‌ مناڵدا:

 

 بەدخۆراکی، نەبونی ئارەزوی خواردن

کەمی ڤیتامین دی

سکچون و رشانەوەی درێژخایەن، هەوکردنی ریخۆڵە

بەکارهێنانی هەندێک دەرمان

هۆکاری بۆماوەیی، هەندێک نەخۆشی بۆماوەیی

هەستیاری بە خۆراکی تایبەت بە شیر، هێلکە، ماسی

ئاستی ئاسایی کالسێوم له‌ خوێندا:

 
 8.5- 10.2 mg/dL

رێژه‌ی پێویستی ڕۆژانه‌ کالسێوم به‌ گوێره‌ی ته‌مه‌نی منداڵ:
ــــ تا شه‌ش مانگ : 200 میلیگرام
حەوت تا 12 مانگ: 260 ملیگرام
 یەک ساڵ – سێ ساڵ: 700 ملیگرام
چوار ساڵ – هەشت ساڵ: 1000 ملیگرام
پێنج ساڵ تا 18 ساڵ: 1300 ملیگرام

224 جار خوێندراوەتەوە