ماوەی پێنج کاتژمێرە ئاگر لە گوندێکی قەزای دەربەندیخان کەوتەوە و تا ئێستا نەتوانراوە کۆنتڕۆڵ بکرێت.

هەواڵ:KNNC

سلێمان محەمەد قائیمقامی قەزای دەربەندیخان بە دیجیتاڵ میدیای کەی ئێن ئێن-ی راگەیاند، لە کاتژمێر (11:00)ی بەیانی ئەمڕۆوە ئاگر لە گوندی چنارە کەوتوەتەوە و تا ئێستا نەتوانراوە کۆنتڕۆڵ بکرێت.

وتیشی: بەهۆی ئاگرەکەوە نزیکەی 100 دۆنم زەوی دارستانی سروشتی سوتاوە.

راشیگەیاند، داوایان لە تیمەکانی بەرگری شارستانی واراماوا و شارەزور کردوە هاوکاریان لە کۆنتڕۆڵکردنی ئاگرەکە، بەڵام بەهۆی نەبونی کەرەستەی پێویست و سەختی شوێنەکە و بەرفراوانی ئاگرەکە تا ئێستا نەتوانراوە کۆنتڕۆڵ بکرێت.

دەربەندیخان/ رزگار جەبار