ئەمڕۆ ئەنجومەنى وەزیران کۆبونەوەى ئاسایی
خۆى ئەنجام دەدات، تەوەرێکى کۆبونەوەکەش تایبەت دەبێت بە کێشەى موچەى هێزە
ئەمنییەکان و وردبینى لە لیستەکەیان.
هەواڵ:KNNC
بەپێی کارنامەى کۆبونەوەکەى ئەمڕۆى ئەنجومەنى
وەزیران، تەوەرى یەکەمى کۆبونەوەکە تایبەت دەبێت بە دەرئەنجامى کۆبونەوەى هاوبەشى هەردو حکومەتى هەرێم و فیدراڵ تایبەت
بە پرسى دەروازە سنورییەکان و ئەم بابەتەش لەلایەن هەردو وەزیرى دارایی و ناوخۆ
پێشکەش دەکرێت کە بەشدارى کۆبونەوەکە بون.
تەوەرى دوەمى کۆبونەوەکە لەبارەى پرسى موچەى
هێزە ئەمنییەکانە و موچەخۆرانە، لە کۆبونەوەکەدا وەزیرى دارایی و ئابورى حکومەتى
هەرێمى کوردستان بەدواداچونەکانى بۆ
بابەتى موچەى مانگى 6ـى موچەخۆرانى هەرێم و موچەى هەرد و مانگەکانى 5 و 6 ى هێزە
ئەمنییەکان (پێشمەرگە و ئاسایش) پێشکەش دەکات.
هەر لەو تەوەرەدا باس لە دوا پێشهاتى بابەتى
وردبینى و پێداچونەوەى لیستى موچەى هێزە ئەمنییەکان لەلایەن تیمى هاوبەشى چاودێرى
دارایی هەرێم و فیدراڵ دەکرێت.
هەروەک کارەکانى هەردو تیمى هاوبەشى حکومەتەکانى
هەرێم و فیدراڵ تایبەت بە پرۆسەى هاوبەشى یەکخستنەوەى رێکارە داراییەکان و سیستمى
باج لەنێوان هەولێر و بەغداد دەخرێتەڕو.
1048 جار خوێندراوەتەوە