پۆلیسى سلێمانى: تۆمەتبارێکمان لەسەر کوشتنى هاوڵاتییەک لە دەرەوەى وڵات دەستگیر کرد

KNN : Kurdish News Network
11:42 - 09/07/2024
کوردستان
+
-

پۆلیسى سلێمانى دەستگیرکردنى کەسێکى لە زاخۆ راگەیاند و دەڵێت: تۆمەتبارە بە کوشتنى هاوڵاتییەکى کورد لە جەنگەڵەکانى وڵاتى فەرەنسا.

 

هەواڵ:KNNC

 

بەڕێوەبەرایەتى پۆلیسى پارێزگاى سلێمانى بڵاویکردەوە؛ دوای‌ ئه‌وه‌ی‌ له‌ به‌رواری‌ (24/2/2023) هاوڵاتییه‌كی‌ كورد به‌ناوی‌ (هه‌ڵكه‌وت ئه‌حمه‌د مارف) له‌دایكبوی‌ ساڵى 1989 له‌ جه‌نگه‌ڵه‌كانی‌ وڵاتی‌ فه‌ره‌نسا كوژرا، دواتر كه‌سوكاره‌كه‌ی‌ سكاڵای‌ یاساییان تۆماركرد له‌دژی‌ تۆمه‌تبار (ڕ، ح، ح) له‌دایكبوی‌ ساڵى 1985.

 

ئاماژە بۆ ئەوەکراوە کە دواى سکاڵاکە په‌ڕاوی‌ لێكۆڵنه‌وه‌ و كۆكردنه‌وه‌ی‌ زانیاری‌ له‌سه‌ر تۆمه‌تبار دەستیپێکردوە و بڕیاری‌ دادوەرى لێکۆڵینەوە بۆ دەستگیرکردنى وەرگیراوە.

 

پۆلیس دەڵێت: تۆمەتبار له‌كاتی‌ گه‌ڕانه‌وه‌ی‌ بۆ هه‌رێمی‌ كوردستان له ‌قه‌زای‌ زاخۆ ده‌ستگیركراوە و لە ‌ئێستادا‌ بە بڕیارى دادوه‌ر و به‌پێی‌ مادده‌ی‌ 406 له ‌یاسای‌ سزادان له ‌نوسینگه‌ی‌ نه‌هێشتنی‌ تاوانی‌ كوشتنی‌ سلێمانی‌ راگیراوه ‌و لێكۆڵینه‌وه‌كان به‌رده‌وامه‌.

195 جار خوێندراوەتەوە