بەبەشداری 115 هەزار قوتابیی، تاقیکردنەوە گشتییەکانی قۆناغی 12ـی ئامادەیی لە هەرێمی کوردستان دەستیان پێکرد.

هەواڵ:KNNC

ئەمڕۆ یەکشەممە، بە بەشداری 115 هەزار و 787 قوتابی، لە سەرجەم بەشەکانی (زانستی، وێژەیی، پیشەیی)، تاقیکردنەوە گشتییەکانی قۆناغی 12ـی ئامادەیی دەستیان پێکرد.

لە هەر چوار پارێزگا و ئیدارە سەربەخۆکانی هەرێمی کوردستان، (115)هەزار و (787) قوتابی بەشدارى لە تاقیکردنەوەکاندا دەکەن و  بەسەر دوو هەزار و (17)هۆڵی تاقیکردنەوە دابەشکراون.

بە گوێرەی خشتەی تاقیکردنەوەکان، هەفتەی دو رۆژ تاقیکردنەوە دەکرێت، لە رۆژانی جەژنی قورباندا تاقیكردنەوەكان رادەگیرێن و دوای پشوی  جەژن، تاقیکردنەوەکان دەست پێ دەکەنەوە.