سەرۆکی دەستەی مافی مرۆڤ: زۆربەی پەرلەمانتاری پێکهاتەکان نوێنەری راستەقینەی ئێمە نین

KNN : Kurdish News Network
02:41 - 22/09/2022
کوردستان

سەرۆکی دەستەی مافی مرۆڤ کۆنگرەیەکی رۆژنامەوانی ئەنجامدا لەبارەی هەڵبژاردن و دۆخی پێکهاتەکان و داوای تۆماری تایبەت بە پێکهاتەکانی کرد. 

 

مونا یاقو، سەرۆکی دەستەی مافی مرۆڤ رایگەیاند: رێزم هەیە بۆ نوێنەری ئێمە لە هەر شوێنێک بن، بەڵام زۆربەیان لەو نوێنەرانە نوێنەری راستەقینەی ئێمە نین.

 

دەشڵێت: لەبەرئەوەی ئەوان بێ لایەن نین و پشتوانی کراون بۆیە بە نوێنەری خۆمانیان دانانێین.

راشیگەیاند: تا ئەمڕۆ کێشەی کۆتای پەرلەمانی هەیە لە هەولێر و لە بەغداد  و دەمانەوێت تۆمار و لیستی هەڵبژاردن تایبەت بە خۆمانمان هەبێت.


مونا یاقو وتیشی: تەنها لە هەڵبژاردنی 1992 رازین چونکە لەو کاتەدا سندوقێکی تایبەت هەبو بە کریستانەکان من وەکو کریستیان تەنیا دەنگم بە کریستیانەکان دەدا نەك کەسی دیکە.

لە درێژەی کۆنگرە رۆژنامەوانییەکەدا رایگەیاند: ئێمە بەو ژمارە بچوکەوە ناتوانین رکابەری کاندیدەکانی دیکە بکەین.




95 جار خوێندراوەتەوە