دەستەی کەشناسی عێراق راگەیەندراوێکی بڵاوکردەوە و تێیدا هاتوە، پلەکانی گەرما گۆڕانکارییان بەسەردا دێت لە کۆتایی هەفتەدا.

کەشناسی عێراق رایگەیاند: ئەمڕۆ بەگشتی ئاسمان لە سەرتاسەری عێراق ساماڵ دەبێت، پلەکانی گەرما لە هەرێم و عێراق دادەبەزن.

دەربارەی کەشوهەوای سبەینێ چوارشەممە کەشناسی دەڵێت: ئاسمانی عێراق و هەرێم ساماڵ و پەڵە هەوردەبێت و پلەکانی گەرما بەرزدەبنەوە و خێرایی با کەمێک زیاد دەکات.

ئاماژەی بەوەشكردوە، رۆژی پێنجشەممە، ئاسمانی هەرێم و ناوەڕاستی عێراق ساماڵ دەبێت و پلەکانی گەرما جارێکی دیکە بەرزدەبنەوە.

کەشناسی عێراق راشیگەیاند: رۆژی هەیینی و شەممە پلەکانی گەرما دادەبەزن و ئاسمان ساماڵ و پەڵە هەور دەبێت.