هێزەکانی کۆماندۆ: بۆ دەستگیرکردنی چەند کەسێك لە شارەوانی هێزەکانمان جێگیرکراون

KNN : Kurdish News Network
12:02 - 16/08/2022
کوردستان

هێزەکانی کۆماندۆی یەکێتی رونکردنەوەیەکی لەبارەی جێگیرکردنی هێزەکەیان لە شارەوانی سلێمانی بڵاوکردەوە.

 

هێزەکانی کۆماندۆ رایگەیاند: لە ماوەی رابردودا چەند بەرپرسێکی حزبی و حکومی هەستاون بە ئیفرازکردنی چەندین پارچە زەوی و داگیریان کردون.

 

ئاماژەی بەوەشکردوە، ئەو کەسانە بەو کارەیان رێگربون لە جێبەجێکردنی پڕۆژە خزمەتگوزارییەکانی سلێمانی.

 

هێزەکانی کۆماندۆ لە بارەی جێگیرکردنی هێزەکانیان لە شارەوانی سلێمانی رایگەیاند: بە فەرمانی بافڵ تاڵەبانی بۆ ڕێگریکردن لەو داگیرکارییە جوڵە بەهێزەکانی کۆماندۆی کوردستان کرا بەرەو بەڕێوبەرایەتی شارەوانی سلیمانی بۆ پاکتاوکردنی گەندەڵکاران و دەستگیرکرنییان.

 

دەقی رونکردنەوەکەی هێزەکانی کۆماندۆ: 

دوای ئەوەی لەماوەی ڕابردوو لەلایەن چەند بەرپرسێکی نابەرپرسی حزبی و حکومی لە ژێر فشاری هەڕەشە هەستان بە ئیفرازکردنی چەندین پارچە زەوی و داگیرکردنی بۆ مەرامی تایبەتی خۆیان و ڕێگریکردن لەئەنجامدانی چەند پڕۆژەیەکی ستراتیجی کە بۆ خزمەتی شارەکە ئەنجام ئەدران.

ئەمڕۆ بەفەرمانی سەرۆک باڤڵ جەلال تاڵەبانی بۆ ڕێگریکردن لەو داگیرکارییە جوڵە بەهێزەکانی کۆماندۆی کوردستان کرا بەرەو بەڕێوبەرایەتی شارەوانی سلیمانی بۆ پاکتاوکردنی گەندەڵکاران و دەستگیرکرنی ئەو کەسانەی ڕێگربوون لە ئەنجامدانی پڕۆژە خزمەتگوزارییەکانی ناو شاری سلیمانی.

(16-8-2022)
𝗞𝘂𝗿𝗱𝗶𝘀𝘁𝗮𝗻 𝗖𝗼𝗺𝗺𝗮𝗻𝗱𝗼 𝗙𝗼𝗿𝗰𝗲𝘀 𝗰𝗼𝗺𝗺𝗮𝗻𝗱
فەرماندەیی ھێزەکانی کۆماندۆی کوردستان

531 جار خوێندراوەتەوە