بەهۆى روداوێکى هاتوچۆ 10 کۆچبەر بونە قوربانى

KNN : Kurdish News Network
08:39 - 13/08/2022
جیهان

لە سنورى هەردو وڵاتى هەنگاریا و نەمسا، لە کاتى هەوڵدان بۆ خۆدەربازکردن ئۆتۆمبێلێک کە ژمارەیەک کۆچبەرى هەڵگرتبوو توشى روداوى هاتوچۆبو و 10 کۆچبەر بونە قوربانى.

وەزارەتى ناوخۆى نەمسا بڵاوى کردەوە، ئەمرۆ شەممە لە سنوری نێوان هەنگاریا و نەمسا ئۆتۆمبێلێک  کەنزیکەی بیست کۆچبەری نایاسایی هەڵگرتبو لە ئاکامی خۆدەربازکردن لە پۆلیسی ناوچەکە توشی روداوی هاتوچۆ بوە.

ئاشکراشى کردووە، لە ئەنجامى روداوەکەدا سێ کۆچبەر گیانیان لەدەستداوە و حەوت کەسی دیکە برینداربون و شۆفێرى ئۆتۆمبێلەکەش کە بەرەچەڵەک روسییە دەستگیرکراوە.

وەزارەتى ناوخۆ ئاماژەى بە ناسنامەى کۆچبەرەکان نەکردووە، بەڵام رونى کردۆتەوە کە لەناو کۆچبەرەکاندا ژن و منداڵ و پیاو بونیان هەیە و ئەوانەشى گیانیان لەدەستداوە دوو پیاو و ژنێکن.

ئەوەش لەکاتێکدایەبەهۆی کۆچی نایاسایەوە ساڵانەژمارەیەکی زۆر لە کۆچبەرانى لەنەتەوە جیاوازەکانی جیهان،لەرێگای گەیشتنبە وڵاتانی ئەوروپا دەبنە قوربانی.

440 جار خوێندراوەتەوە