لە هەولێر شەڕە تەقە رویدا و دوو کەس بونە قوربانی

KNN : Kurdish News Network
02:35 - 10/08/2022
کوردستان

پۆلیسی پارێزگای هەولێر راگەیەندراوێکی بڵاوکردەوە و ئاماژەی بەوەداوە، لە روداوێکی تەقەکردن لە کەسنەزان کەسێك کوژراوە و کەسێکی دیکەش برینداربو.

 

پۆلیسی پارێزگای هەولێر رایگەیاند: درەنگانی دوێنێ شەو لە روداوێکی تەقەکردن لە سنوری ناحیەی کەسنەزان ئاگادارکرانەوە.

 

ئاماژەی بەوەشداوە، کەسێك لەو روداوەدا کوژراوە و کەسێکی دیکەش برینداربوە و توانراوە ناسنامەی تۆمەتبارەکان ئاشکرا بکەن.

 

پۆلیسی هەولێر دەشڵێت: هۆکاری ئەم روداوە بۆ کێشەیەکی کۆنی نێوان کوژراو و بکوژ دەگەڕێتەوە.

لەکۆتاییدا باسی لەوەشکردوە، لە ئێستادا هێزەکانیان دەستیان بە لێکۆڵینەوەی ورد و چڕ کردوە، بۆ ئەوەی رێکاری یاسایی بەرامبەر تۆمەتبارەکان بگیرێتەبەر.

495 جار خوێندراوەتەوە