منداڵێك بە چوار دەست و چوار قاچەوە لەدایك بو

KNN : Kurdish News Network
10:30 - 06/07/2022
کوردستان

منداڵێك لە شارۆچکەیەکی ویلایەتی ئوتار پرادیش لە هیندستان بە چوار دەست و چوار قاچەوە لە دایك بو.

 

میدیا جیهانیەکان بڵاویانکردەوە، خەڵکی هیندستان ئەو منداڵەیان ناو ناوە منداڵی موعجیزە و پێیان وایە بە رەچەڵەک دەگەرێتەوە بۆ یەکێك لە خواوەندەکانی هیندستان کە خواوەمد لاکشمییە.

 

وێنە و ڤیدیۆی ئەو منداڵە بڵاوبونەتەوە و دەردەکەوێت کە ئەو منداڵە دو قاچ و دو دەستی زیادەی هەیە کە بە سکییەوە نوساون.

 

منداڵەکە کێشی شەش پاوەندن و نیوە و لە نەخۆشخانەیەکی  ئوتار پرادیش لە هیندستان لە دایك بوە.

 

بەپێی راپۆرتە ناوخۆییەکانی ئەو وڵاتە، دایك و منداڵەکە تەندروستییان باشە و لە ئێستادا هیچ گرفتێکی تەندروستییان نییە.


1034 جار خوێندراوەتەوە