نرخی نەوتی خاو لە بازاڕەکانی جیهاندا گۆڕانکاری بەرچاوی بەسەردا هات و بەشێوەیەکی بەرچاو دابەزی

نرخی نەوتی خاوی برنت لە ئێستادا بە (118) دۆلار مامەڵەی پێوەدەکرێت و بە بەراورد بە دوێنی زیاتر لە چوار دۆلار دابەزیوە..

هاوکات، نرخی نەوتی خاوی تەکساسیش بە (116) دۆلارە..

دابەزینی نرخی نەوت بەهۆی توندکردنەوەی رێکارەکانی کۆرۆنایە لە چین، زۆربەی کارگە گەورەکان و بازاڕەکانی داخستوە، بەمەش خواست لەسەر نەوت لە جیهاندا کەمدەبێتەوە، بەو پێیەی چین بە گەورە کڕیاری نەوت لە جیهاندا دادەنرێت.

بەهۆی هەڵگیرسانی شەڕی ئۆکرانیا و روسیا، قەیرانی کەمی نەوتی خاو لە جیهاندا سەریهەڵدا و نرخی نەوت بەشێوەیەکی بەرچاو بەرزبوەوە و هەر بەرمیلێك (130) دۆلاری تێپەڕاند