ئەنجامی توێکاری تەرمەکەی لیا ئاشکرابوو

KNN : Kurdish News Network
02:37 - 26/05/2022
کوردستان

 سەرچاوەیەک لە پۆلیسی سلێمانی ئەنجامی توێکاری تەرمی لیای (10) ساڵەی راگەیاند، دوای ئەوەی هەفتەی رابردو تەرمەکەی گەیەنرایە پزیشکی دادی سلێمانی.

 

سەرچاوەیەک لە پۆلیسی سلێمانی بە KNNی راگەیاند: لە ئەنجامی توێکاری بۆ تەرمەکەی دەرکەوتوە لیای تەمەن (10) ساڵان بەهۆی پەلاماردانی سەگەوە گیانی لە دەستداوە.

 

 

رۆژی هەیینی رابردو لەسەر داوای دادوەری لێکۆڵینەوە، گۆڕی لیای 10 ساڵ هەڵدرایەوە و تەرمەکەی رەوانەی پزیشکی داد سلێمانی کرا. رۆژی یەکشەممە تەرمەکە رادەستی بنەماڵەکەی کراوەتەوە و بە خاک سپێردراوەیەوە.

 

رۆژی دوشەممە 2022/5/18، عەلی رەحیم، باوکی لیا رایگەیاند: لیای کچی کە تەمەنی 10 ساڵان بوو، هەمان رۆژ کاتژمێر 2:20 چوبوە دەرەوە و  لە ماڵی دراوسێیەکمان لەگەڵ منداڵەکانیدا یاری کردوە و دوای گەڕانیکی زۆر نەمدۆزییەوە، لە کۆتاییدا چومە باخەی ماڵە دراوسێکەمان و بینیم سێ سەگ پەلاماری کچەکەمیان دابوو و لە ئەنجامدا گیانی لەدەستدابوو و زۆربەی گۆشتەکەیان خواردبو تەنیا ئێسقانەکانی مابو، بۆیە منیش نەمبرد بۆ نەخۆشخانە و یەکسەر ناشتم. 

 

دوای ئەو روداوە گومانێکی زۆر و کاردانەوەی زۆر لە تۆڕە کۆمەڵایەتییەکان لەسەر ئەو روداوە دروست بو، بۆیە بە بڕیاری دادوەر گۆڕەکەی هەڵدرایەوە و ئەمڕۆ ئەنجامی توێکارییەکەی ئاشکرابو.

3429 جار خوێندراوەتەوە