یەکەم حاڵەتى توشبون بە کۆرۆنا لە کۆریاى باکور تۆمارکرا

KNN : Kurdish News Network
11:52 - 12/05/2022
جیهان

دواى نزیکەى سێ ساڵ لە بڵاوبونەوەى بە جیهاندا و توشبوون و گیانلەدەستدانى ملیۆنان کەس، بەڵام بۆ یەکەمجار یەکەم حاڵەتى توشبون بە ڤایرۆسى کۆرۆنا لە کۆریاى باکور تۆمارکرا. سەرۆکی وڵاتەکەش چەند فەرمانێکى دەکرد.

کەناڵى فەرمى کۆرۆیاى باکور رایگەیاند: لە پیۆنگ یانگى پایتەخت بە گومانى توشبون بە کۆرۆنا پشکنین بۆ چەند کەسێک ئەنجامدرا و یەکەم حاڵەتى توشبون بە کۆرۆنا دەستنیشانکرا.

ئەوەشى خستۆتەڕو، دواى تۆمارکردنى یەکەم حاڵەت، کیم جۆن ئون سەرۆکى ئەو وڵاتە چەند فەرمانێکى دەرکردووە، لەوانە قەدەغەى هاتوچۆ و رێکخستنەوەى کارى کۆمپانیاکان بەشێوەیەک کە نەبێتە هۆى تەشەنەکردنى ڤایرۆسەکە.

تۆمارکردنى یەکەم حاڵەتى کۆرۆنا لە کۆریاى باکور دواى ئەوەدێت، کە لە ساڵى (2019)ـەوە، ڤایرۆسەکە بڵاوبوەتەوە و تائـیستاش زیاتر لە 15 ملیۆن کەس بە ڤایرۆسەکە گیانیان لەدەستداوە.

862 جار خوێندراوەتەوە