جوتیارە نمونەییەكە مریشكێكی تایبەتی كوردی بەرهەمهێناوە كێشی دەگاتە پێنج كیلۆ و هەمو رۆژێك هێلكە دەكات

KNN : Kurdish News Network
12:35 - 09/05/2022
هەمەڕەنگ

جوتیارێکى نمونەیى گوندێکى هەرێم، جۆرە مریشکێکى نوێ بەرهەمدەهێنێت کە لەگەڵ کەشوهەواى هەرێم گونجاوە و کێشى هەر یەکێکیان دەگاتە نزیکەى پێنج کیلۆ گرام.

شێخ جەمال کربچنە، کە جوتیارێکى گوندى کربچنەیە بە دیجیتاڵ میدیاى (کەى ئێن ئێن)ى راگەیاند: وەک جوتیارێک چەند ساڵێکە توێژینەوە لەسەر دو جۆرى مریشک و کەڵەشێرى شامى ئەنجام دەدەین بەو مەبەستەى بتوانین جۆرە مریشکێک بەرهەم بێنین کە لەگەڵ کەشوهەواى هەرێمى کوردستان گونجاو بێت و هێلکەى زۆر بکەن و گۆشتى زۆریان هەبێت.

شێخ جەمال ئاشکراشى کرد، دواى هەوڵێکى زۆر توانیمان نەوەى یەکەم کە کەڵەشێرە بەرهەم بهێنین و کێشىەکەى گەیشتۆتە پێنج کیلۆ و مریشکەکانیش گەیشتونەتە سێ کیلۆ و نیو و بەردەوامیش هێلکە دەکەن.

2054 جار خوێندراوەتەوە