بەر لەوەى قاوە بخۆیت ئەم راستیانەى لەبارەوە بزانە

KNN : Kurdish News Network
08:58 - 09/05/2022
تەندروستی

قاوە ئەگەر بە بڕی گونجاو و لە کاتی گونجاو و بەپێی تەمەن و تەندروستی مرۆڤ بخورێت سودی زۆری هەیە بۆ مرۆڤ.

قاوە هۆکارە بۆ زیادکردنی چالاکی مێشک و تەرکیز زیاد دەکات و دەبێتە هۆى رەواندنەوەی خەو لە چاوەکان، مەترسی نەخۆشی شەکرە کەم دەکاتەوە و چەوری گورچیلە کەم دەکات.

جگە لەمانەى سەرەوە، قاوە دەبێتە هۆى کەمکردنەوەی شێرپەنجەی جگەر، هەروەها یارمەتی دەرە بۆ کەمکردنەوەی رادەی گرژی و هەست بە نائومێدی کردن، یارمەتی کرداری هەرسکردن دەدات و هەرس رێکدەخات و چالاککەرە بەتایبەتی بۆ ئەوکەسانەی وەرزش دەکەن.

قاوە هۆکارە بۆ کەمکردنەوەی کێش و ئازاری جەستە و رێگرە لە دروستبوونی بەردی گورچیلە، چونکە کافائین میزهێنەرەو بەهۆیەوە بەرد و لم فڕێ دەدات، گرفتی سوڕی مانگانە کەم دەکاتەوە و دەبێتە هۆی کەم بوونی رۆشتنی خوێن لە کاتی سوڕی مانگانەدا و سوڕی خوێن چالاک دەکات.

- قاوە پێویستە رۆژانە بۆ مرۆرڤی تەندروست ( ١ -٣ ) کوپ زیاتر نەخوات.
- نابێت مناڵی خوار (١٥) ساڵ بیخوات.
- ئەو کەسانەی پەستانی خوێن یان بەرزە یان نەخۆشی دڵیان هەیە نابێت قاوە. بخۆن.
- ئەو کەسانەی کێشەی گەدەو ڕیخۆڵەیان هەیە نابێت بیخۆن لەبەر بوونی کافایین.
- لە تەمەنی سەرو (٤٠) ساڵ نابێت رۆژانە لە دوو کوپ زیاتر قاوە بخورێت.


زیانەکانی قاوە ئەگەر بە بڕی زۆر بخورێت.

-بەرزبوونەوەی فشاری خوێن و سەر ئێشە.
- دەبێتە مادەیەکی ژەهراوی و کۆئەندامی دەمار دەهەژێنێت.
- دەبێتە هۆی کەم خەوی و لەرزین و گرژوونی ماسولکەکان و شێواوی لە قسەکردن دا.
- دەبێتە هۆێ خێرا لێدانی دڵ.
- دڵ تێکهەڵهاتن و کەمی حەوانەوە.
- زۆر میزکردن..


لەشکر حەمید
ئەندازیاری خۆراک

948 جار خوێندراوەتەوە