دوا مۆڵەت دەدرێتە پێشمەرگە بۆ وەرگرتنی ڤاکسین

KNN : Kurdish News Network
08:22 - 17/01/2022
کوردستان

وەزارەتی پێشمەرگەی دواین مۆڵەت دەداتە سەرجەم پێشمەرگە و ئەفسەران کە تائێستا ڤاکسینیان وەرنەگرتووە و دەڵێت پێویستە تا سێ رۆژی دیکە ڤاکسین وەربگرن.

وەزارەتی پێشمەرگە لە راگەیەندراوێکدا ئاگاداری سەرجەم بەڕێوەبەرایەتی و یەکە سەربازییەکانی سەر بە وەزارەتی پێشمەرگەی کردوەتەوە کە لە زووترین کاتدا و لە نزیکترین بنکەی تەندروستی ڤاکسین وەربگرن.

وەزارەتی پێشمەرگە ئاماژەی بەوەکردوە، دوا مۆڵەت بۆ وەرگرتنی ڤاکسین رۆژی (20/14/2022) و لەو رێککەوتە بەدواوە، هەر کەسێک ڤاکسینی وەرنەگرتبێت، ئیجرائاتی یاسایی لەگەڵ دەکرێت و مووچەکەی رادەگیرێت.

ئەوە لەکاتێکدایە پێشتریش وەزارەتی دادی هەرێمی کوردستان رایگەیاندبوو کە ئەگەر هەر فەرمانبەرێکی دیوانی وەزارەت و دامەزراوەکانی سەر بە وەزارەتەکە تاوەکو (1/1/2022) ڤاکسینی وەرنەگرتبێت، ناتوانێت دەوام بکات.لە هەرێمی کوردستان تا ئێستا (389) هەزار و (901) کەس توشی ڤایرۆسی کۆرۆنا بون و لەو ژمارەیەش حەوت هەزار و (166) کەس گیانیان لەدەستداوە.

203 جار خوێندراوەتەوە