بەهۆى نزمبونەوەى پلەکانى گەرما و بارینى بەفرێکى زۆر، تا کۆتایى ئەم هەفتەیە لەسەرجەم قوتابخانە حکومى و ناحکومییەکانى پارێزگاى سلێمانى ، پشوى فەرمى راگەیەنرا.

سەرچاوەیەک لە بەڕێوەبەرایەتى گشتى پەروەردەى سلێمانى بە دیجیتاڵ میدیاى (KNN)ى راگەیاند، دوای راوێژ لەگەڵ پارێزگاری سلێمانی و بەڕێوەبەری کەشناسی و بومەلەرزەی سلێمانی، لەبەر دابەزینی پلەی گەرمی و بەستەڵەک و سەرما وە بۆ پاراستنی گیانی قوتابیان و خوێندکاران بڕیارماندا بە راگرتنی تاقیکردنەوەکانی کۆتایی وەرزی یەکەم لە ڕۆژانی سێشەممە و چوارشەممە و پێنجشەممە بەرواری(2022/1/20/19/18) لە سەرجەم ناوەندەکانی خوێندن بە حکومی و ناحکومییەوە.

ئاشکراشى کرد، تاقیکردنەوەکان دەچێتە (2022/1/25) بە پێی خشتەیەکی تایبەت کە لە لایەن کارگێڕی قوتابخانەکانەوە دیاری دەکرێت.