تاڵیبان یەکەم بودجەی وڵاتی بەبێ هاوکاری نێودەوڵەتی ئامادەکرد

KNN : Kurdish News Network
05:51 - 13/01/2022
کوردستان

بزوتنەوەی تاڵیبان یەکەم لەدوای گرتنە دەستی دەسەڵات لە ئەفغانستان بۆ یەکەمجار بودجەی وڵاتەکەی پەسەند کرد کە هیچ هاوکارییەکی نێودەوڵەتی تێدا نیە.

 

ئەحمەد والی، وتەبێژی وەزارەتی دارایی ئەفغانستان رایگەیاند؛ لەماوەی دو دەیەی رابردودا توانیومانە بۆ یەکەمجار بودجەی وڵات ئامادە بکەین کە هیچ هاوکارییەکی نێودەوڵەتی لە خۆ نەگرێت، کە ئەوەش دەستکەوتێکی گەورەیە بەلای ئێمەوە.

 

وتیشی: کاتێک بزوتنەوەی تاڵیبان دەسەڵاتی گرتە دەست، هاوکارییە نێودەوڵەتییەکان رێژەی 80٪ی بودجەی ئەفغانستانی پێکدەهێنا.

 

وەزارەتی دارایی دەڵێت: بودجەکە تەنها بۆ سێ مانگی یەکەمی ئەمساڵە و بۆ پڕکردنەوەی خەرجییەکانی حکومەتە، جگە لەوەش بودجەکە بە 516 ملیۆن دۆلار خەمڵێندراوە.

705 جار خوێندراوەتەوە