دوای کۆبونەوەیان لە نوسینگەی هومام حمودی، چوارچێوەی هەماهەنگی، بایکۆت و ئۆپۆزسیۆن بونیان تاوتوێکرد. 

عەباس عەرداوى پەرلەمانتارى بزوتنەوەى حقوقى سەر بە کەتائیبى حزبوڵا کە بەشێکە لە چوارچێوەى هەماهەنگى، لەچاوپێکەوتنێکى تەلەفزیۆنیدا ئاماژەى بەوەکرد، چوارچێوەى هەماهەنگى کۆبونەتەوە و تاوتوێی ئەوەیانکردوە کە لەنێوان دو بژاردەى بایکۆت و ئۆپۆزسیۆن بووندا خۆیان یەکلایی بکەنەوە.

بەپێی زانیارییەکان، کۆبونەوەکە بۆ تاوتوێکردنى کاردانەوەکانى یەکەم کۆبونەوەى پەرلەمان و هەنگاوەکانى داهاتووى چوارچێوەى هەماهەنگیی بووە.

 عەرداوی باسی لەوەشکرد، ئەگەر دۆخەکە بەم شێوەیە بەردەوا بێت، لەئێستادا  ئۆپۆزسیۆن بژاردەیەکی دروستە.

ئەوەش لەکاتێکدایە نۆى ی ئەم مانگە، سەرۆک و جێگری نوێێ ئەنجومەنی نوێنەرانی عێراق هەڵبژێردراو چوارچیوەی هەمەهەنگی ناڕەزاییان لەبەڕیوەچونی پرۆسەکە دەربڕی.