هەرێمى کوردستان؛ (47) دادوەرى نوێ دادەمەزرێنرێن

KNN : Kurdish News Network
11:48 - 02/12/2021
کوردستان

ئەنجومەنى دادوەرى هەرێم؛ فەرمانیکرد بە دامەزراندنى (47) دادوەرى نوێ بۆ دادگاکانى تێهەڵچونەوەى ( هەولێر- سلێمانى- دهۆک و کەرکوک و گەرمیان).

بەپێى فەرمانێکى ئەنجومەنى دادوەرى ژمارە (71) له‌ (1/12/2021) و پشت به‌ فه‌رمانی هه‌رێمی ژماره‌ (272)ی ساڵی 2021 و به‌ پێی نووسراوی سه‌رۆكایه‌تی هه‌رێمی كوردستان/دیوان ژماره‌ (د-1099 له‌ 5/9/2021) و به‌دیكردنی گشت مه‌رجه‌كانی یاسایی، بڕیار درا به‌ دامه‌زراندنی (47) دادوه‌ر بۆ دادگاكانی تێهه‌ڵچوونه‌وه‌ی هه‌ولێر و سلێمانی و دهۆك و كه‌ركوك-گه‌رمیان.

دامه‌زراندنی ئه‌و دادوه‌رانه‌، دوای ته‌واوكردنی خولی سێیه‌می په‌یمانگه‌ی دادوه‌ریه‌ كه‌ ژماره‌یان (47)ـه‌ و دوای رێوره‌سمی سوێندخواردنیان له‌به‌رده‌م بسه‌رۆكی ئه‌نجومه‌نی دادوه‌ری، له‌و شوێنانه‌ی كه‌ بۆیان ده‌ستنیشان كراوه‌ ده‌ست به‌ كار ده‌بن.

268 جار خوێندراوەتەوە