سەنتەرى فریاکەوتنى خێرا: لە خۆپیشاندانەکاندا سەدان کەس برینداربوون

KNN : Kurdish News Network
07:51 - 25/11/2021
کوردستان

لە خۆپیشاندانەکانى چەند رۆژى رابردووى خوێندکارانى زانکۆ و پەیمانگاکاندا لە سلێمانى، سەدان کەس لە خۆپیشاندەران و ئەندامانى هێزە ئەمنییەکان برینداربوون.

 

سامان نادر، بەڕێوەبەرى سەنتەرى فریاکەوتنى خێراى سلێمانى بە (KNN) ى راگەیاند، لە خۆپیشاندانەکانى چەند رۆژى رابردودا نزیکەى (600) کەس لە خۆپیشاندەران و ئەندامانى هێزە ئەمنییەکان لە سلێمانى برینداربوون.

 

راشیگەیاند، (55) کەسیان رەوانەى نەخۆشخانەکان کراون، (545) کەى دیکەش راستەخۆ لە شوێنى روداوەکان چارەسەرى پێویستیان بۆکراوە.

 

لەسەرەتاى ئەم هەفتەیەدا خوێندکارانى زانکۆ و پەیمانگان دەستیان بە خۆپیشاندان و دەربڕینى ناڕەزایى کرد، داواکارى سەرەکیشیان پێدانى دەرماڵە بوو، خۆپیشاندانەکان سەرەتا بە ئارامى بەڕێوەچوو، بەڵام دواى بەرفراوانبونى گرژى و ئاڵۆزى لێکەوتەوە.

263 جار خوێندراوەتەوە