زانیاری لەبارەی راهێنەرە نوێیەكەی یانەی بەرشەلۆنە

KNN : Kurdish News Network
06:26 - 28/10/2021
وەرزش

یانەی بەرشەلۆنە راهێنەری نوێی بۆ سەرپەرشتیكردنی تیپەكەی دیاریكرد و بە شێوەی كاتی سێرجی بارخوانی كردە راهێنەر.

 

یانەی بەرشەلۆنە لە بەیاننامەیەكی فەرمیدا بڵاویكردۆتەوە، دوای دورخستنەوەی رۆناڵد كومانی راهێنەر، ئەركی راهێنانی تیپی تۆپی پێی یانەكە بە شێوەیەكی كاتی بەخشراوە بە سێرجی بارخوانی راهێنەری تیپی دووەم.

 

سێرجی بارخوان تەمەنى (49) ساڵە و پێشتر یاریزانی بەرشەلۆنە  بووە، دوای بونی بە راهێنەر، راهێنەرایەتى یانەکانى ریکریاتیڤۆ، ئەلمیریا، ریال مایۆرکا و جیجیانگى گرین تاونى چینى کردوە و ئێستاش راهێنەرى تیمى خوار (18) ساڵى یانەى بەرشەلۆنەیە، لەماوەى راهێنەرایەتیدا (173) یاریی لەگەڵ یانەكان ئەنجامداوە و لەو ژمارەیەش (66) یاریی بردۆتەوە و لە (48 )یاریدا یەكسانبووە و (59) یاریشی دۆراندووە.

 

بەپێی سەرچاوەكانی هەواڵ، بارخوان تا سەرەتای مانگی داهاتوو لە پۆستەكەی بەردەوام دەبێت، چونكە دوای ئەو بەروارە چاڤی هێرناندێز ئەركی راهێنانی یانە كەتەلۆنیەكە وەردەگرێت.

 

ئاماژە بەوەشكراوە، یانەی سەد رازی بووە گرێبەستەكەی چاڤی هەڵبوەشێنێتەوە، بەڵام بەو مەرجەی تا رۆژی (3) ی مانگی داهاتوو لەگەڵ یانەكە بەردەوام بێت.

414 جار خوێندراوەتەوە